جد البرماويين
عضو VIP
- إنضم
- 1 أغسطس 2009
-
- المشاركات
- 370
-
- مستوى التفاعل
- 0
-
- النقاط
- 0
يا أحفادي الحلوين أنا وجدتكم من زمااااااااااااان قاعدين نتعب في سبب انحراف بعض أحفادنا وأسباب الطلاق اللي تحصل كتير الحين ..
وجدتكم أعطتني فكرة بالمرررة حلوة ونعم الجدة والأفكار اللي تجيبها دائما ما عرفت قيمتها إلا في نهاية عمري .
تعرفوا جدكم كان مغرور وشايف نفسه وجدتكم تعبت معاي كتير ، وإلى الآن شايف نفسه ، وما أدري ليش كدة ؟
يمكن من جمالي ، وإلا تأملوا في صورتي اللي يشك في كلامي .
وجدكم عصبي كمان مرررة ، وفي بداية زواجي بجدتكم تخيلوا فين رحنا شهر العسل ؟
في آخر قمم أعالي جبال حارة التابعين أستأجرنا فيها شقة مفروشة أبو خمسة أخشاب ، عشان نشوف المناظر الخلابة ، كنا نشوف مدينة النكاسة وغيرها من المدن المجاورة لها بكل جمالها وازهارها .
ما زالت هدي الذكريات تدور في ذهني ، وأنصح جميع أحفادي - بلا استثناء أن يجربوا شهر العسل في حارة التابعين يجدوا من السعادة والحلاوة ما وجدها جدكم مع جدتكم .
يا حفيداتي : اسمعوني زين ، إن كنتم تريدون حياة زوجية هنيئة بدون شقاوة وكلها سعادة ، فعليكم يا حفيداتي بسيرة جدتكم الحلوة .
ولا يخفى عليكن بأن الحياة الزوجية ما تخلو من مشاكل وهي لا بد منها بل هي بهارات الحياة الزوجية .
يا حفيدتي :
إن كنت تبغين تكسبين زوجك لازم تعرفي طبعه أولا ، وبعدين لا تحاولين تجرحين زوجك بالكلمات القاسية والمعاملات السيئة ، لازم تصبروا عشان مستقبلك ومستقبل عيالك .
ولا تكونوا مثل بعض حفيداتي أثناء المشاكل يقولون على طول : طلقني أنا أحصل أحسن منك ستين واحد في الشارع !
زي هدي الكلمات لا تستعملوها لأن الزوج يمسك عليها حتى بعد المصالحة ، لأن الفنجان إذا انكسر ما يمدينا نرجعه مررة تانية زي ما كان .
وبعدين لازم تأخدين كامل زينتك ، يعني لازم تتجملين قدام زوجك قبل ما يدخل البيت وتتهأيين لاستقباله ، وتستعملين معه كلمات معسولة ، زي ما تسويلي جدتكم أول ما أخش البيت تستقبلني بابتسامة وتأخد من راسي شماغ العقل القديم ، وفي يدها عصير فيمتو أحمرررر ، وتخلع مني نضارتي السودة ، وحقيقة خلتني أشتاق إليها كلما أخرج من البيت .
ليش تعرفوا ؟
لأنو جدتكم تتجمل لي كل يوم ، وأول ما أدخل البيت أشم منها رائحة كلونيا ( لميس مع مهند ) فكيف تبغوني أفكر أتزوج عليها وحدة تانية !
هدي الحلقة الأولى يا حفيداتي ، بغيت منها تأخدو دروس كيف تكسبوا أزواجكم زي ما كسبتني جدتكم وأخدت بكل قلبي .
وفي الحلقات القادمة حتقرو هدي المواضيع من حكايات جدكم :
- حكايتي مع جدتكم المصرية القديمة ، وليش تركتها ؟
- تفوق عيالي في المدارس ، ويش السبب؟
- كيف حصلت على جدتكم المزيونة ؟
- ايش المميزات اللي في جدتكم التانية ؟
جدكم الناصح
وجدتكم أعطتني فكرة بالمرررة حلوة ونعم الجدة والأفكار اللي تجيبها دائما ما عرفت قيمتها إلا في نهاية عمري .
تعرفوا جدكم كان مغرور وشايف نفسه وجدتكم تعبت معاي كتير ، وإلى الآن شايف نفسه ، وما أدري ليش كدة ؟
يمكن من جمالي ، وإلا تأملوا في صورتي اللي يشك في كلامي .
وجدكم عصبي كمان مرررة ، وفي بداية زواجي بجدتكم تخيلوا فين رحنا شهر العسل ؟
في آخر قمم أعالي جبال حارة التابعين أستأجرنا فيها شقة مفروشة أبو خمسة أخشاب ، عشان نشوف المناظر الخلابة ، كنا نشوف مدينة النكاسة وغيرها من المدن المجاورة لها بكل جمالها وازهارها .
ما زالت هدي الذكريات تدور في ذهني ، وأنصح جميع أحفادي - بلا استثناء أن يجربوا شهر العسل في حارة التابعين يجدوا من السعادة والحلاوة ما وجدها جدكم مع جدتكم .
يا حفيداتي : اسمعوني زين ، إن كنتم تريدون حياة زوجية هنيئة بدون شقاوة وكلها سعادة ، فعليكم يا حفيداتي بسيرة جدتكم الحلوة .
ولا يخفى عليكن بأن الحياة الزوجية ما تخلو من مشاكل وهي لا بد منها بل هي بهارات الحياة الزوجية .
يا حفيدتي :
إن كنت تبغين تكسبين زوجك لازم تعرفي طبعه أولا ، وبعدين لا تحاولين تجرحين زوجك بالكلمات القاسية والمعاملات السيئة ، لازم تصبروا عشان مستقبلك ومستقبل عيالك .
ولا تكونوا مثل بعض حفيداتي أثناء المشاكل يقولون على طول : طلقني أنا أحصل أحسن منك ستين واحد في الشارع !
زي هدي الكلمات لا تستعملوها لأن الزوج يمسك عليها حتى بعد المصالحة ، لأن الفنجان إذا انكسر ما يمدينا نرجعه مررة تانية زي ما كان .
وبعدين لازم تأخدين كامل زينتك ، يعني لازم تتجملين قدام زوجك قبل ما يدخل البيت وتتهأيين لاستقباله ، وتستعملين معه كلمات معسولة ، زي ما تسويلي جدتكم أول ما أخش البيت تستقبلني بابتسامة وتأخد من راسي شماغ العقل القديم ، وفي يدها عصير فيمتو أحمرررر ، وتخلع مني نضارتي السودة ، وحقيقة خلتني أشتاق إليها كلما أخرج من البيت .
ليش تعرفوا ؟
لأنو جدتكم تتجمل لي كل يوم ، وأول ما أدخل البيت أشم منها رائحة كلونيا ( لميس مع مهند ) فكيف تبغوني أفكر أتزوج عليها وحدة تانية !
هدي الحلقة الأولى يا حفيداتي ، بغيت منها تأخدو دروس كيف تكسبوا أزواجكم زي ما كسبتني جدتكم وأخدت بكل قلبي .
وفي الحلقات القادمة حتقرو هدي المواضيع من حكايات جدكم :
- حكايتي مع جدتكم المصرية القديمة ، وليش تركتها ؟
- تفوق عيالي في المدارس ، ويش السبب؟
- كيف حصلت على جدتكم المزيونة ؟
- ايش المميزات اللي في جدتكم التانية ؟
جدكم الناصح
اسم الموضوع : حكايات جدكم مع جدتكم !
|
المصدر : .: عالم المرأة :.
