هادا واحد كل ماسوى مشروع خسر
وكل مامسك شي خِرِب ، وكل ماراح مكان صارت مشكلة
ماعمرو أتهنى بشي
وحياته كلها نكد في نكد
وإللي يزَعِّلو زيادة إنو يشوف الناس ما شا الله يسووا مشاريع
ويتوفقوا
ويستمتعوا بحياتهم
إللللللا هوا !!
وداااايما حزين
وتعاسة الحظ تلاحقو في كل مكان
آخر شي
لما زهق من حياتو
وقفلت معاه كل الطرق
جات على بالو فكره
أنو يترك المدينة اللي هو فيها ويسافر
وفعلاً خوينا راح المطار وحجزلو تذكره ........
.......ركب الطيارة
بسم الله
جلس في المكان المخصص
ركبوا المسافرين
إلين دحيييين كل شي تمام
الحمد لله
طارت الطيــــــــــــــــ ـارة
والجو هدوووووووء
وكل شيء حلو
/\
/\
/\
.......وفجأة
قامت الطيارة تهتززززززززز
وكأنو فيي شي مو طبيعي قاعد يصير
ولما زادت الربكة
قام المضيف بدي يعلن للناس
إنو الطيارة فيها عطل
ويمكن تطييييح
أخونا المنحوس انتبه
ودغري قال في نفسو: إييييييييييوا ، أصلاً معروف مافي إلا أنا ..
أنا السبب في اللي بيسير للطيارة
أنا المنحووووووووووس والعياز بالله
وهادا النحس اللي ملاحقني في كل مكان
لكن إيش ذنب الناس اللي حيموتووا بسبب نحسي دحين ؟
مو معقولة أتسبب في مووت 300 شخص وأنا ساكت
لازم أسوي شي
لازم أنقذهم
....وفكر
....وفكر
...........وفجأة
جات في راسو هادي الفكرة العجيبة
استأذن في الدخول عـ الكابتن
وطبعا القانون القديم كانوا يسمحوا للناس يدخلوا قمرة القيادة
لكن بسبب مشاكل مختلفة بطلوا منها دحين
المهم....
وبعد منااااحلة وافقوا إنو يدخل على الطيار
سأل أخونا المنحوس الطيار : إيش فيها الطيارة
صحيح إنها بتطيح ؟
قال الطيار : العجلات مو راضية تنزل
قال المنحوس : بسيطة ، فكوولي باب الطيارة وأنا انزل أفتحها يدويا من تحت ( وهو في نفسو يبغى ينتحر أساساً.... يرمي نفسو من الطيارة على أساس يحافظ على أرواح الناس اللي بيموتوا بسبب نحسو وينقذ الطيارة من السقوط )
الطيار رفض طبعا وقللو إنو غير ممكن وفيه خطوره على حياتو ... و...و...
لكن خوينا أصـرّ على فكرتو
"خايف على الناس يا حنيين إنت"
والطيار يحلف وهو يحلف ....
وأخيراً ..
بعد ما الطيار شاف إنو مافي فايدة من المجادلة لأنو البني آدم مصمم وإلا الله يبغا يسوي إللي قالو... قال : افتحولوا الباب ..
أخونا ، دوووبو بيرمي نفسو من الطيارة ،
يطالع عـ العجلات
يلقاها تبغى تنزل لكن فيي حديدة تحت الكفرات مانعتها
قال خليني أجرب أشيلها
وفعلاً يشيل الحديدة اللي كانت تقيلة مرررررة
....وبس يرميها وإنو على طوووول بدت العجلات تنزل
فرح المسكين وقال :
خلاص كدا مافي داعي إني أنتحر
الحمد لله ، مشكلة الطيارة وانحلَّت
خليني أرجع للطيارة
ويوم رجع للطيارة
يلقى الناس فرحانيييييين
وهاتك يا تصفيق..ودعاااء...وإطراااء
ومافي إلا يمدحووه على شجاعتو وتضحيتو بنفسو عشانهم
وطبعا الناس في الأرض كانوا متابعين الحالة
والمطار ملياااان...والصحفيين ....والتلفزيون...والكاميرات.....ودنيا زحححمة
بس مستنيين الطيارة توصل
....وصلت الطيارة على خير..
ونزل صاحبنا
وكلها ثواني من نزولو وما يشوف إلا زحححمة ناس عندو
وبدي التصوير اللي بينقلوه عـ الهوا للتلفزيونات
والتصفيق
والتكريم
ويا الله يا الله أنفك منهم ..... والحمد لله قدر يوصل للفندق اللي بيسكن فيه
...بعد ما أرتاح من القرف إللي كان فييه وأخدلو دش سريع....أتذكر أمُّو
وجريييي يروح يتصل بيها عساس يطمنها على سلامتو
وقاعد يقول في نفسو وهو مبسووووط :أكييييد أمي شافت ولدها في التلفزيون
وفعلاً يدق عليها
ترررن..ترررن
ترررن..ترررن
يا هوووو فين الناس
بعد فتتتترة ردت عليه أمُّو..وهيا بكياااانة
قاعدة تبكي بإخلاص لدرجة ماهي قادرة تتكلم
قال لها : أكيد يا أمي انتي شفتي الحادث في التلفزيون
لكن أبشرك الحمد لله أنا بخير ولا صار لي شي مافي داعي تبكي
والأم مستمرة بالبكاا
وهو يحلفلها إنو طيب وما فيه شي
وهيييييا تزيييييد بالبكاء
قال لها يا أمي ما شفتيني في التلفزيون
كلنا طيبين محد صارلو شي
المفروض تكوني مبسوووطة وتفتخري بولدك!!مو تبكي
الأم مسكينة ردت عليه بصعوبة من بين الدموع والبكا والنحييييب: أنا ما فتحت التلفزيون يا ولدي ، ولا أدري عن حادث الطيارة شي ..
قال لها : أجل ليش تبكي يا أمي الغالية
قالت : أبوك يا ولدي .. أبوك كان متضايق شويا و طلع السطوح يبغى يشم شوية هوى
والا فجأة..
طاحت عليه حديدة من السما
ومات
وكل مامسك شي خِرِب ، وكل ماراح مكان صارت مشكلة
ماعمرو أتهنى بشي
وحياته كلها نكد في نكد
وإللي يزَعِّلو زيادة إنو يشوف الناس ما شا الله يسووا مشاريع
ويتوفقوا
ويستمتعوا بحياتهم
إللللللا هوا !!
وداااايما حزين
وتعاسة الحظ تلاحقو في كل مكان
آخر شي
لما زهق من حياتو
وقفلت معاه كل الطرق
جات على بالو فكره
أنو يترك المدينة اللي هو فيها ويسافر
وفعلاً خوينا راح المطار وحجزلو تذكره ........
.......ركب الطيارة
بسم الله
جلس في المكان المخصص
ركبوا المسافرين
إلين دحيييين كل شي تمام
الحمد لله
طارت الطيــــــــــــــــ ـارة
والجو هدوووووووء
وكل شيء حلو
/\
/\
/\
.......وفجأة
قامت الطيارة تهتززززززززز
وكأنو فيي شي مو طبيعي قاعد يصير
ولما زادت الربكة
قام المضيف بدي يعلن للناس
إنو الطيارة فيها عطل
ويمكن تطييييح
أخونا المنحوس انتبه
ودغري قال في نفسو: إييييييييييوا ، أصلاً معروف مافي إلا أنا ..
أنا السبب في اللي بيسير للطيارة
أنا المنحووووووووووس والعياز بالله
وهادا النحس اللي ملاحقني في كل مكان
لكن إيش ذنب الناس اللي حيموتووا بسبب نحسي دحين ؟
مو معقولة أتسبب في مووت 300 شخص وأنا ساكت
لازم أسوي شي
لازم أنقذهم
....وفكر
....وفكر
...........وفجأة
جات في راسو هادي الفكرة العجيبة
استأذن في الدخول عـ الكابتن
وطبعا القانون القديم كانوا يسمحوا للناس يدخلوا قمرة القيادة
لكن بسبب مشاكل مختلفة بطلوا منها دحين
المهم....
وبعد منااااحلة وافقوا إنو يدخل على الطيار
سأل أخونا المنحوس الطيار : إيش فيها الطيارة
صحيح إنها بتطيح ؟
قال الطيار : العجلات مو راضية تنزل
قال المنحوس : بسيطة ، فكوولي باب الطيارة وأنا انزل أفتحها يدويا من تحت ( وهو في نفسو يبغى ينتحر أساساً.... يرمي نفسو من الطيارة على أساس يحافظ على أرواح الناس اللي بيموتوا بسبب نحسو وينقذ الطيارة من السقوط )
الطيار رفض طبعا وقللو إنو غير ممكن وفيه خطوره على حياتو ... و...و...
لكن خوينا أصـرّ على فكرتو
"خايف على الناس يا حنيين إنت"
والطيار يحلف وهو يحلف ....
وأخيراً ..
بعد ما الطيار شاف إنو مافي فايدة من المجادلة لأنو البني آدم مصمم وإلا الله يبغا يسوي إللي قالو... قال : افتحولوا الباب ..
أخونا ، دوووبو بيرمي نفسو من الطيارة ،
يطالع عـ العجلات
يلقاها تبغى تنزل لكن فيي حديدة تحت الكفرات مانعتها
قال خليني أجرب أشيلها
وفعلاً يشيل الحديدة اللي كانت تقيلة مرررررة
....وبس يرميها وإنو على طوووول بدت العجلات تنزل
فرح المسكين وقال :
خلاص كدا مافي داعي إني أنتحر
الحمد لله ، مشكلة الطيارة وانحلَّت
خليني أرجع للطيارة
ويوم رجع للطيارة
يلقى الناس فرحانيييييين
وهاتك يا تصفيق..ودعاااء...وإطراااء
ومافي إلا يمدحووه على شجاعتو وتضحيتو بنفسو عشانهم
وطبعا الناس في الأرض كانوا متابعين الحالة
والمطار ملياااان...والصحفيين ....والتلفزيون...والكاميرات.....ودنيا زحححمة
بس مستنيين الطيارة توصل
....وصلت الطيارة على خير..
ونزل صاحبنا
وكلها ثواني من نزولو وما يشوف إلا زحححمة ناس عندو
وبدي التصوير اللي بينقلوه عـ الهوا للتلفزيونات
والتصفيق
والتكريم
ويا الله يا الله أنفك منهم ..... والحمد لله قدر يوصل للفندق اللي بيسكن فيه
...بعد ما أرتاح من القرف إللي كان فييه وأخدلو دش سريع....أتذكر أمُّو
وجريييي يروح يتصل بيها عساس يطمنها على سلامتو
وقاعد يقول في نفسو وهو مبسووووط :أكييييد أمي شافت ولدها في التلفزيون
وفعلاً يدق عليها
ترررن..ترررن
ترررن..ترررن
يا هوووو فين الناس
بعد فتتتترة ردت عليه أمُّو..وهيا بكياااانة
قاعدة تبكي بإخلاص لدرجة ماهي قادرة تتكلم
قال لها : أكيد يا أمي انتي شفتي الحادث في التلفزيون
لكن أبشرك الحمد لله أنا بخير ولا صار لي شي مافي داعي تبكي
والأم مستمرة بالبكاا
وهو يحلفلها إنو طيب وما فيه شي
وهيييييا تزيييييد بالبكاء
قال لها يا أمي ما شفتيني في التلفزيون
كلنا طيبين محد صارلو شي
المفروض تكوني مبسوووطة وتفتخري بولدك!!مو تبكي
الأم مسكينة ردت عليه بصعوبة من بين الدموع والبكا والنحييييب: أنا ما فتحت التلفزيون يا ولدي ، ولا أدري عن حادث الطيارة شي ..
قال لها : أجل ليش تبكي يا أمي الغالية
قالت : أبوك يا ولدي .. أبوك كان متضايق شويا و طلع السطوح يبغى يشم شوية هوى
والا فجأة..
طاحت عليه حديدة من السما
ومات
اسم الموضوع : منحووووووووس
|
المصدر : .: حكايات وأقاصيص :.
