أيوب قربان
, قسم التصاميم والجرافيكس
نهاية دربنا
كلن على النيه بياخذ نصيبه
كذا.. نصيبي صار واضح ومفهوم
من فرقونا عز قلبي وشيبه
هم ضيعونا و الامل صار معدوم
صدق احرمونا ..! للأسف بالغصيبه
كانت مكيده والهدف كان مرسوم
لاتعتذر ماجات منك معيبه
بعدك عيوني ماعرفت لذة النوم
وانت الحبيب ولاتخونك حبيبه
بس الاكيد الحظ مايل معي دوم
احباب صرنا اغراب ياهي مصيبه
وصرحٍ يشيد حبنا بات مهدوم
لالاتواسيني بماضي تجيبه
وحاول تعيش بدنيتك واترك اللوم
وجرحي خلاص اليوم انا اعتني به
مابيك تجزع لا.. ولا تعيش مهموم
هذي نهاية دربنا والغريبه
ان القلوب اللي هوت جارت اليوم
مماراق لي
اخوكم/ أيوب قربان
التعديل الأخير:
اسم الموضوع : نهاية دربنا
|
المصدر : .: إيقاع القصيد :.