هادي الهرجة ليش نزلتها عشان حبايبي من الجالية البرماوية يعرفوا لو عندكم السعادة ب500 ريال لو حاربوكم وبركت فلوسكم عشان القران الكريم وطيبتكم
</i>
سترك يارب
******
وانا راجع للبيت بعد ماصليت العشاء لقيت ولد جارنا جالس على درج العماره سرحان ويفكر.. رفعت صوتي بالسلام، ورد عليا وهوه (مدنق) راسه ويطالع في الأرض، قلتله ايش الحكايه ياعمر؟ قال ولا شيء بس طفشان شويه ... شمرت التوب وقعدت معاه على الدرجه وقلتله هات الهرجه ما حسيبك وانت متنكد كده، وبعد ما نشف ريقي نطق وجلس يتكلم ويقول ليا خمسه سنوات يبو فتو انا متخرج من الجامعه زي منت عارف وكل يوم والتاني وانا ابرم على الشركات والمصانع والمؤسسات عشان ابغى احصل وظيفه آكل منها عيش، لانه كل ما نرووح وزارة الخدمة المدنيه يقولوا لنا مافي وظايف. المهم ربك ييسرها ولقيت وظيفه راتبها 2000 ريال يعني راتب سواق وشغاله، بالله عليك هادي الـ 2000 اللي بستلمها كل شهر ايش تسوي في الزمن ده؟، حتى ابويا صار قرفان مني لانه يكفيه هم المصاريف اللي هلكته واقوم انا ازود الناقص عليه كل يوم والا يومين هات 50 هات100، صدقني يبو فتو 2000 ريال ماتسوي شيء في هذا الزمن، كيف بالله اقدر (ألم) قرشين عشان اتزوج؟ كيف ح اقدر ادفع مهر؟ كيف ح اقدر استأجر شقه وافرشها؟ وانت عارف كيف صارت الايجارات غاليه، صدقني يبو فتو هادي الـ 2000 يادوب تكفيني للأكل والشرب والبنزين وزيت السياره وبس .. وشويه تجي سياره واسمع صاحبها يزهم: يللا يا عمر بسرعه خلينا نلحق نتفرج المباراه، وماصدق صاحبنا وقحص من قدامي بعد ما قاللي اشوفك على خير يبو فتو. المهم اخدت بعضي ودخلت بيتي وانا اضرب اخماس في اسداس واقوول: الله يعينكم على اللي انتو فيه، اذا كان الموظف اللي راتبه هادي الايام عشره الاف ريال بيشتكي من كتر المصاريف اللي عليه فما بالكم بموظف راتبه 2000 او 2500 كيف ح يعيش ويحقق أحلامه اللي كان يتمناها أيام ماكان يدرس في الجامعه كيف ح يتزوج والمهور عند بعض العوايل بالشي الفلاني كيف ح يقدر يستاجر شقه والايجارات غاليه غلاء فاحش عند بعض ملاك العماير اللي مافي في قلوبهم رحمه ولا خوف من الله، وهادي مشكلة أغلب الشباب اللي متخرجين من الجامعات والكليات يا تلاقيه متخرج ومافي وظيفه يا تلاقيه يشتغل براتب مايكفيه حتى لمصاريفه، حتى البنات مشكلتهم نفس المشكله تلاقيهم متخرجين من زمان وفوقها كمان مو لاقييين لا وظايف ولا حتى عرسان ومن فين ح يجو العرسان اذا كان راتب الموظف في الوقت الحاضر 2000 ريال، والله البيوت مليانه بنات في سن الزواج وبنات عدت اعمارهم الـ 30 والـ 40 هدا اذا عرفنا انه آخر احصائيه بتقول انه عدد العانسات وصل عددهم مليون ونص عانس ولسه ما اتزوجوا وهدا كله بسبب عدم وجود رواتب تساعد هادول الشباب على الزواج عشان يستروا نفسهم، وعدم وجوود وظايف للبنات ياكلوا منها عيش عشان يسترووا نفسهم من الظروف وغدر الزمان عشان كده بتمنى من المسؤولين في الوزارات و الشورى ورجال الاعمال والمؤسسات البنكية والاجتماعية انها تشوف حل لهادي المصيبه الكبيره اللي بيعاني منها شبابنا وبناتنا قبل ما تجي الفأس في الراس وعيشوا كتييييرتشوفوا كتيييير.
******
وانا راجع للبيت بعد ماصليت العشاء لقيت ولد جارنا جالس على درج العماره سرحان ويفكر.. رفعت صوتي بالسلام، ورد عليا وهوه (مدنق) راسه ويطالع في الأرض، قلتله ايش الحكايه ياعمر؟ قال ولا شيء بس طفشان شويه ... شمرت التوب وقعدت معاه على الدرجه وقلتله هات الهرجه ما حسيبك وانت متنكد كده، وبعد ما نشف ريقي نطق وجلس يتكلم ويقول ليا خمسه سنوات يبو فتو انا متخرج من الجامعه زي منت عارف وكل يوم والتاني وانا ابرم على الشركات والمصانع والمؤسسات عشان ابغى احصل وظيفه آكل منها عيش، لانه كل ما نرووح وزارة الخدمة المدنيه يقولوا لنا مافي وظايف. المهم ربك ييسرها ولقيت وظيفه راتبها 2000 ريال يعني راتب سواق وشغاله، بالله عليك هادي الـ 2000 اللي بستلمها كل شهر ايش تسوي في الزمن ده؟، حتى ابويا صار قرفان مني لانه يكفيه هم المصاريف اللي هلكته واقوم انا ازود الناقص عليه كل يوم والا يومين هات 50 هات100، صدقني يبو فتو 2000 ريال ماتسوي شيء في هذا الزمن، كيف بالله اقدر (ألم) قرشين عشان اتزوج؟ كيف ح اقدر ادفع مهر؟ كيف ح اقدر استأجر شقه وافرشها؟ وانت عارف كيف صارت الايجارات غاليه، صدقني يبو فتو هادي الـ 2000 يادوب تكفيني للأكل والشرب والبنزين وزيت السياره وبس .. وشويه تجي سياره واسمع صاحبها يزهم: يللا يا عمر بسرعه خلينا نلحق نتفرج المباراه، وماصدق صاحبنا وقحص من قدامي بعد ما قاللي اشوفك على خير يبو فتو. المهم اخدت بعضي ودخلت بيتي وانا اضرب اخماس في اسداس واقوول: الله يعينكم على اللي انتو فيه، اذا كان الموظف اللي راتبه هادي الايام عشره الاف ريال بيشتكي من كتر المصاريف اللي عليه فما بالكم بموظف راتبه 2000 او 2500 كيف ح يعيش ويحقق أحلامه اللي كان يتمناها أيام ماكان يدرس في الجامعه كيف ح يتزوج والمهور عند بعض العوايل بالشي الفلاني كيف ح يقدر يستاجر شقه والايجارات غاليه غلاء فاحش عند بعض ملاك العماير اللي مافي في قلوبهم رحمه ولا خوف من الله، وهادي مشكلة أغلب الشباب اللي متخرجين من الجامعات والكليات يا تلاقيه متخرج ومافي وظيفه يا تلاقيه يشتغل براتب مايكفيه حتى لمصاريفه، حتى البنات مشكلتهم نفس المشكله تلاقيهم متخرجين من زمان وفوقها كمان مو لاقييين لا وظايف ولا حتى عرسان ومن فين ح يجو العرسان اذا كان راتب الموظف في الوقت الحاضر 2000 ريال، والله البيوت مليانه بنات في سن الزواج وبنات عدت اعمارهم الـ 30 والـ 40 هدا اذا عرفنا انه آخر احصائيه بتقول انه عدد العانسات وصل عددهم مليون ونص عانس ولسه ما اتزوجوا وهدا كله بسبب عدم وجود رواتب تساعد هادول الشباب على الزواج عشان يستروا نفسهم، وعدم وجوود وظايف للبنات ياكلوا منها عيش عشان يسترووا نفسهم من الظروف وغدر الزمان عشان كده بتمنى من المسؤولين في الوزارات و الشورى ورجال الاعمال والمؤسسات البنكية والاجتماعية انها تشوف حل لهادي المصيبه الكبيره اللي بيعاني منها شبابنا وبناتنا قبل ما تجي الفأس في الراس وعيشوا كتييييرتشوفوا كتيييير.
</i>
اسم الموضوع : هادي الهرجة ب500 ريال !!!!!!
|
المصدر : .: أشتات وشذرات :.
