الرحّال
قلم متميز
- إنضم
- 2 مايو 2009
-
- المشاركات
- 1,092
-
- مستوى التفاعل
- 1
-
- النقاط
- 0
أي نوع من الأطفال كنت ؟؟؟ كل واحد يختار ...
يختلف الأطفال في سلوكهم وتصرفاتهم ونفسيتهم ..
لذلك ..
هناك نماذج مختلفة من الأطفال كنا في يوم من الأيام مثلهم ..
يلا طلعوا الفضايح 00
الطفل البريء
في المنزل تجده حبوووب وطبيعي 100 %
لكن مع دخوله المدرسة ..
( تنمحي ) شخصيته ..
فتكثر الإصابات في وجهه .. لأنه مايدافع عن نفسه ..
الطفل العنيد
يطبق نظام البيت بالعكس ..
يسوي اللي برأسه ..
مايخاف من البابا أو الماما ..
لو قلت له هذا خطر لاتقربه ..
عناد فيك يسويه ..
يُــضرب كثيراً في طفولته ..
ومع ذلك عنيد مايغير رأيه ..
الطفل الحنّـان
يستخدم وسيلة الحنة لتلبية رغباته
له نغمه خاصة في المنزل ..
تلبى رغباته كـُرهاً ..
يعانون أهله من الصداع المستمر ..
الطفل المادي
هذا الطفل مايرد السلام إلا بفلوس ..
تعامله مع أهل المنزل ..
مادي بحت ..
يستخدمونه لتوصيل طلبات المنزل ..
ونقل السوالف ..
وكل شي بحسابه ..
الطفل الفتّــان
تجد عند هذا النوع جميع أخبار المنزل ..
يجد المتعة في إذلال غيره بالفتنة عليه ..
ماله خاتمه ..
هذا الطفل حتى لو شريت سكوته بفلوس ..
توقع تلقى أخبارك ثاني يوم في الصفحة الرئيسية ..
في الجريدة الرسمية .. ههههههههه
الطفل الدلوع
هذا دلوع ماما وبابا ..
يكرهونه باقي الأطفال لأنه مرفه وشايف نفسه عليهم ..
تلبى رغباته قبل لا يطلبها ..
شخصيته اتكالي جداً..
الطفل العله
يزعجك بأسئلته اللي ماتنتهي ..
يستفسر من كل شي ..
حتى لو عطست ..
قالك كيف عطست ..
وليش عطست ..
وكيف تكونت العطسه ..
يحرجك أحيانا ..
مره تجاوب عليه ومره تسفهه ..
وأكثر الأوقات ماتلقى اجابه لأسئلته ..
لأنك في الحقيقة تجهلها ..
الطفل المتشرد
هذا الطفل مستحيل يجلس في المنزل ..
يعيش في الشارع أكثر من بيته ..
خبره ودليل في كل زقاق وطريق ..
يعرف طول الشارع بالسنتيمتر ..
من الممكن أن يصبح إذا كبر مهندس طرق..
الطفل الصريح
يستانسون أهله على سوالفه ..
فصيح جداً ..
ويلقط العبارات والمفردات بسرعة مذهله ..
يسبب إحراج دائم لأهله ..
من الممكن أن يقول كلمة بالغلط للضيوف أو الأقارب ..
يتميز أحيانا بقلة الذووق والوقاحة إذا انفعل ..
لا ينصح باستفزازه أبدا ..
الطفل اللزقه
تلقاه مسنتر عند باب البيت ..
محد يطلع إلا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً ..
وخاصة من أخوانه اللي اكبر منه .. أو خواته ..
لأنه عبارة عن رادار على طلعاتهم ..
أحيانا يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..
ويسألهم ليش تأخرتوا عليّ ؟؟..
الطفل الهادئ
هذا الطفل ماله صوت ابد ..
وين ماتحطه تلقاه ..
أحيانا يهملونه أهله ..
لأنهم ناسينه ..
وأحيانا يلقى اهتمام زائد من أهله ..
لو يموت من الجوع ماتكلم ..
في كثير من الأحيان تلقى أهله ناسينه بالسوق أو عند الأقارب أثناء الزيارات ..
الطفل القوي
أهله دائماً في إحراج و مشاكل مع الناس ..
هرمون الإجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه ..
يهابونه الأطفال ..
يتقرب منه الكبار ويتوددون له حفاظاً على سلامة أطفالهم ..
أي نوع من الأطفال كنتم ؟؟؟
يلا طلعوا الفضايح00
م/ن
اسم الموضوع : أي نوع من الأطفال كنت ؟؟؟ !!!! ... يلا طلعوا فضايحكم
|
المصدر : تسلية وترفيه