طريقه عمل توقيع للمبتدئين في الفوتوشوب

[خالد المكي]

السلام عليكم

إحترت أين أضع هذا الدرس

فاخترت الجرافيكس



إحم ( الدرس منقول للفائدة )


درس للمبتدئين في الفوتوشوب (او اللي ابد ما عندهم فكره في هذا البرنامج)

بعطيكم فكره سريعه عن كيفيه ابتكار توقيع خاص فيكم

اول شي طبعا لازم يكون عندكم برنامج فوتوشوب (اي نسخه مب مشكله) اللي عندي حاليا هو فوتوشوب 8 و هو اللي بطبق فيه هذا الدرس





1- نفتح برنامج الفوتوشوب
2- بتلاحظون وجود عده صناديق عمل منها (اهمها) هذي الصناديق (عادة اول ما تدخلون البرنامج بتلقونهم في وجهكم

)

اهم الادوات اللي راح نستخدمها في هذا الدرس هم:

اداة التحديد (المستطيل)

اداة التحريك تستخدم سواء للصوره او للكتابه

اداة الدلو (سطل الالوان) نستخدمه لتلوين المساحات

في هالمربعين نختار اللون اللي نبغي نلون فيه المساحات بواسطه الدلو
نضغط على المربع اللي فوق و نختار اللون من الالوان الموجوده
المربع اللي تحت ما بنستخدمه حاليا




اخر اداه هي ادا الكتابه

من الصناديق المهمه للعمل هي

الصندوق اللي فوق هو صندوق التاريخ (history) و فيه ممكن نرجع بالخطوات اللي عملناها اذا ما عجبتنا النتيجه
والصندوق اللي تحت هو صندوق الشرائح (layers) و هنا نتحكم بكل شريحه عمل على حده

اوكي

الحين بحط لكم طريقه عمل التوقيع بشكل بسيط

الخطوة الاولى:
بعد ما دخلنا على البرنامج
نروح على
File > New

اللي عندهم البرنامج بالعربي
ملف> جديد

بتظهر لنا هالصفحه
اختاروا فيها مساحه التوقيع اللي تبغونها

انا اخترت التالي
رقم 1 = width= العرض =400
رقم 2= height= الطول = 250

رقم3= color mode= نوعيه التلوين=RGB color
رقم 4= background contents= الخلفيه= transparent <<< اعتقد بتكون بالعربي شفاف او بدون لون

و نضغط على ok

بتظهر لنا صفحه عليها مربعات بيضا و رماديه <<< ما بتظهر في التصميم النهائي ابدا


الخطوه الثانيه
نروح على شريط الادوات و نختار اداة التحديد (المستطيل) كما في الصورة

نرسم شكل التوقيع بالكبر اللي نبغيه سواء مربع او مستطيل بس حاولوا تخلونه في وسط صفحه العمل
كما في الصورة

الخطوة الثالثه:

1-نختار اداة الدلو
2-ننضغط على مربعات الالوان (المربع اللي فوق)

3- بيظهر لنا مربع فيه الوان كثيره ... نغير اللون للون خلفيه التوقيع اللي نبغيها مثلا انا اخترت اللون الوردي فاتح

و باداه السطل (الدلو ) نلون المستطيل (او المربع) المنقط
بيصير عندنا الشكل التالي

الخطوه الرابعه

نفتح شريحه جديده من صندوق الشرائح (layers) كم في الشكل التالي

(فتح الشريحه مهم علشان نضع عليه صورة للتوقيع و مهم علشان اذا ما عجبنا شي في الصورة نحذف الشريحه بس و مب العمل كله يروح في الزباله اكرمكم الله)

بغيت احط صورة (بنت مثلا) في التوقيع فنروح على
File> open
بالعربي
ملف> فتح
و نختار الصورة اللي نبغي نحطها في التوقيع

انا اخترت الصورة التاليه

بتظهر لكم الصوره في صفحه غير عن صفحه التوقيع فننقلها لصفحه التوقيع بعمل التالي
1- نروح على اداة التحديد (المستطيل) و نحدد الصوره او جزء منها
2- نروح على اداه التحريك و نسحب الصوره من صفحتها لصفحه التوقيع (نضغط عليها و نسحب و نتركها في صفحه التوقيع)
3- نغير حجم الصورة لتناسب توقيعنا بواسطه ادا التحريك .... و المربعات الصغيره اللي تظهر حوالي الصوره

بيطلع في النهايه شكل مثل هذا

تعبتوا و لا بعدكم؟؟؟؟

هههههه


بعد ما حطينا الصور في التوقيع نبغي نكتب كلمه حلوة تناسب توقيعنا و صورتنا

نروح على شريط الادوات و نختار اداة الكتابه

نكتب الكلام اللي نبغيه في مربع الكتابه

و نقدر طبعا نتحكم بحجم الكلام, لونه, موضعه, نوعه من هذا الشريط اللي بيظهر لكم تلقائيا في اعلى الصفحه

رقم 1: نوع الخط
رقم 2: حجم الخط
رقم 3: موضع الخط
رقم 4: لون الخط
نظلل الكلام و نقدر نغير فيه مثل ما نبغي

بيظهر لنا الشكل التالي

طبعا يبغيله شويه ظلال على حركات حلوة شوي يبغيلها شغل

في هذا الدرس بعلمكم اول خطوه لتجميل نص او صوره

نروح على صندوق الشرائح (layers)
نروح على شريحة الكتابه (الشريحه عليها علامه اداه الكتابه )
نضغط مرتين على المكان الرمادي غامق في الشريحه
كما في الشكل التالي

بيظهر لنا صندوق فيه اوامر على اليسار كما في الشكل التالي:
(حاولوا قبل لا تسوون اي شي فيه انكم تخلون التوقيع يبان من تحته علشان اي امر تضغطون عليه تشوفون تاثيره مباشره على التوقيع)

هذا هو شريط الاوامر بشكل مكبر

حاليا ابغيكم تضغطون على (حطوا علامه صح في المربع اللي حذال)
Drop shadow
و شوفوا تاثيره على النص

لا تضغطون على ok لكن يلسوا لعبوا في الاوامر على كيفكم و شوفوا التاثير على النص

و عقب اللعب في الاوامر شوفوا المناسب للنص مالكم و خلوه و اضغطوا ok

نفس الحركه تقدرون تسوونها على الصوره اللي في التوقيع
1- تروحون على صندوق الشرائح
2- تختارون الشريحه اللي حطينا عليها الصورة (الثالثه من تحت)
3- و تضغطون على المكان اللي لونه رمادي غامق مرتين و بيظهر لكم صندوق الاوامر
4- لعبوا في الاوامر مثل ما سويتوا قبل شوي

واخر شي اضغطوا على ok


بيظهر لكم هذا الشكل النهائي

و مع البهارات الفوتوشوبيه .....اللي راح اعلمكم اياها ان شاء الله في المستقبل اذا الله قدرني.... صار عندي التوقيع بها الشكل

انتهى الدرس على خيييييييييييير

(كل واحد يروح يشرب ماااااااااي و يتحرك و يتكلم و يفرفش و يرجع ^_^ )

ان شاء الله قدرت اساعدكم في اول خطوه في تعلم برنامج الفوتوشوب

و خلوني اشوف تطبيقاتكم الحلوة
​

 

[أيوب قربان]

ماشاء الله عليك شرح وافي وكافية تسلم يالغالي على الطرح
اسمحلي يالغلا بنقل الموضوع الى قسم الدروس..

 

[ابن ذكير]

على الشرح الكافي والوافي..يا..خالد المكي..

ومشكور وماقصرت..

 

[أسومي]

يعطيك العافية وفقت في الطرح
تحياتي ,,,

 

[أبوباسم]

يعطيك العافية ع الدرس الرائع​

 

[جواد البحر]

[align=center]

بارك الله فيك على شرحك الرائع

وننتظر المزيد من إبداعاتك

[/align]

 

[loverboy_majed]

مشكور على الشرح الوافي

ماقصرت


وفي انتظار الجديد منك

 

[أبو مهند الأركاني]

ماشاء الله تبارك الله الله يوفقك

 

[العصامي]

درس تشكر عليه

 

[فيصلاوي]

يعطيك الف عافية

 

[فرسان]

الله يجزيكم بالخير

 

[أبو سلمان من مدينة الرياض]

ما تقصرون يا شباب . . الله يجزاكم ألف خير

 

[طاهر اركاني]

مشكور على الشرح الوافي

 

[نسمة سَحَر]

مشكووووووور ياأخ / خالد على الموضوع القيم

الله يجعله في ميزان حسناتك ​

 

[أفتخر أني أنثى]

السلام عليكم ورحمة الله وبركاته
ماشاء الله شرح كافي ووافي
الله يجعله في ميزان حسناتك
بس لدي سؤال بسيط اتمنى ان الا قي جوابا من عندكم
انا مبتدئة في الفوتشوب صراحة فهمت الشرح كله الا
خطوة وحــــــدة بس اللي هو بعدما افتح المجلد عشان احط الصورة
بتظهر لكم الصوره في صفحه غير عن صفحه التوقيع فننقلها لصفحه التوقيع بعمل التالي
1- نروح على اداة التحديد (المستطيل) و نحدد الصوره او جزء منها
2- نروح على اداه التحريك و نسحب الصوره من صفحتها لصفحه التوقيع (نضغط عليها و نسحب و نتركها في صفحه التوقيع)
3- نغير حجم الصورة لتناسب توقيعنا بواسطه ادا التحريك .... و المربعات الصغيره اللي تظهر حوالي الصوره

هذي الخطــــــوة سويته بس ماطلع الصورة مثل ماطلع في الشرح
اتمنى ان الاقي جوابـــــــا
ان شاء الله فهمت ســــــــؤالي
وشكـــــــــرا

 

[خالد المكي]

وعليكم السلام ،،

أختي الفاضلة ..

للمعلومية : التحكم في أبعاد الصورة من حيث العرض والطول
يكون بالضغط على المفاتيح ctrl+t ستظهر مربعات صغيرة محاطة بالصورة
يمكنك التحكم في أبعاد الصورة بالسحب في هذه المربعات من الزوايا والأضلاع
وبعد الإنتهاء من الحجم المطلووب اضغطي على مفتاح Enter لتثبيت الشكل
ولإلغائها إذا لم يعطي الشكل المطلووب اضغطي على مفتاح Ecs
وهكذا ..

ممكن هذا الدرس يوضحلك أكثر ...

​

 

[أفتخر أني أنثى]

الله يجعله في ميـــــزان حسناتك اخي خالد المكي
وسؤال ثاني بسيط بعدما اختار اداة النص و الشكل واللون
جيت وحطيت فوق الصورة عشان اكتب ظهر نقطة صغيرة مرة
وضغط ع الصورة مهوراضي يكتب ممكن تقول لي اش اسوي
صراحـــــــة تعبتك تلاقي في الآخــــــــرة ان شاء الله

 

[خالد المكي]

تاكدي من اختيار الأداة
بعد ذلك تأكدي من مقاس الخط ( ممكن هذا السبب )
وبالتوفيق ..

 

[أفتخر أني أنثى]

اخي مكتوب في الشرح بعدما نختار اداة الكتابة
نكتب الكلام اللي نبغيه في مربع الكتابه عندي لمن اختار
اداة الكتابة يظهر حرف1t/اداة الكتابة الافقية
2/اداة قناع النص
3/اداة قناع النص الافقية
4/اداة قناع النص العمودي
فاية اختار عشان الكتابة
انا حطيت الحجم والمقاس صحيح ماظهر عندي مربع الكتابة اللي مكتوب في الشرح

 

[خالد المكي]

اختاري نفس هذه الأداة

بنفس الشكل