عاشقة المجد
New member
الفراغ الطفش الوحده - الملل.....الخ
جميعها اسباب يعاني منها اي شخص على وجه الارض ومنهم المراه تعاني منها وتحاول للتغلب عليها ايجاد الاحتواء من أي طريق كانت
قد تصل لدرجه الانحراف قرأت وواجهت الكثير من القصص التي تتطرق لنفس الموال ..
اسرد لكم هنا بعض القصص بحكم معايشتي لهم فهذي قصه اليوم وغدا وبعد غدا لن تنتهي فقط السيناريو يختلف هناا وللأسف نحن مجتمع نقوووول مالا نفعل ...
اولى القصص التي وقفت عليها بنفسي هي \\
1= قريبه لي يأتي زوجها من الدوام الساعه 2 ظهرآ يتغدا ثم يذهب الى النوم
ولا يستيقظ الا المغرب عندها يخرج ولا يعود الى المنزل الا الساعه 10 او 11 ليلآ
يجلس عند التلفزيون الى الساعه 1 وليتها سلمت منه بل انه لوقاحته يتغزل بكل امراه تمر عليه من امام الشاشه
ويسال زوجته عن اسماءهم ووهي لاحول لها ولا قوه تقول له انا امامك وفي متناول يديك لماذا لا تتغزل بي مثلما تتغزل بهم ..؟؟
يقول لها (الرمه) هم بعيدين عني لذلك يحلوون بنظري اما انتي امام عيني باي وقت استطيع مشاهدتك ثم يذهب الى النوم وهكذاا ..
الطامه انه لاينام معها بنفس الغرفه رغم انه لم يمر على زواجهم سوى 9 اشهر فقط ...
اي ظلم هذاا ايها الرجل ...؟؟ ( لن اتطرق لتفاصيل اكثر لضيق المساحه والى كان اغلقتم اجهزتكم قبل ان اتم قصتي .. عذرآ لكم )
2=أمرأه متزوجه منذ سنتين زوجها لا يستخدم منزله الا كما استخدامه لاي اوتيل او شقه مفروشه
لايعرف البيت الا للمبيت فقط ولا يأتـي الى المنزل الا وهو مرهق وتعبان ويالله يشوف مطرح مخدته
الي ينام عليهاا اذا فاتحته زوجته بالموضوع قال لها انتي وش تبي اكثر من الي وفرته لك
نت مفتوح 24 ساعه سوي الي تبغي فيه تلفزيون تحت تصرفك كل شي تحت يدينك وش تبغي اكثر ...؟؟؟
للأسف المرأه لم تلجأ الى مخاطبه زوجها الا بعد ان غرقت بحب مسؤول عن احد المنتديات
ووصل الحد معها ان اصبحت تخاطبه بالجوال وللأسف حصل الرجل منها على مالم يكن بالحسبان
فوجدت منه الحب والحنان والاحتواء اللذي لم تجده من زوجهاا
ففي لحظه ضعف اصبحت تخاطبه عن طريق الكام الى ان تعلقت به واحبته وهي لاتعلم بأنه حب زائل
فقط لكي تتهيأ الفرصه للذئب للأنقضاض على فريسته اصبح يعاملها كزوجه له وهي اتخذته صدر حان عليها تلجأ له متى ما احست بالأحتياج ...؟؟
تقول لي ما فتحت له الكام الا بعد ان هددني بتركي وانا تعلقت فيه موووت واخاف يتركني لاني وجدت عنده الي مالقيته بزوجي ...!!!!!!
(( حسافه والله الي بين يدينا ونطوله ننطله ولا كانه يسوى نسينا انه انسان ضعيف بكلمه نحتويه وبكلمه بس نملكه وكانه حصل منا على كل الي بالدنيا ))
هذي من اكثر القصص الي اثرت فيه تاثير عمييييييق جداا ما تتصوروه \\
3= صاحبه القصه متزوجه من سنه ونص بس
وعندها بنت عمرها 9 شهور تقول زوجي ما يعترف بوجودي بمنزله لا غي وجودي لغي واذا فاتحته بالموضوع ابغاه يتفاهم معاي ليه يسووي كذااا فيني يقول لي انا اكرهك
من كل قلبي اكرهك اتصور الشيطان قدامي ولا اتصورك ولو مو بنتك بيننا كان طلقتك من زمااان
ولمن قالت له ابغى سبب مقنع يخليلك تكرهني الكره هذا كله يقول لها انا مالي كلام معاك خلاص
اعتبريني ميت ماني موجود بحياتك تقول عجزت فيه ابوي ميت واخواني اصغر مني ولا فيه الا امي
مسكينه ما اقدر ابين لها أي شي خصوصا انه اختي الي اكبر مني عندها 3 عيال زوجها توفى بحادث سياره وهي الان ساكنه ببيت امي ...؟؟؟
بالله عليكم هذي المرأه ماتحتاج حنان ما تحتاج زوج يخاف عليها ويحن عليها ويحسسها بقربه منها ..؟؟
ااااااه عليكم وااااااالله العلي العظيم انه بداخل كل بيت في مجتمعنا قصص يشيب لها الراس
وانا عندي اكثر من قصه بملفي بس طرحت عليكم كم مثال ..؟؟
لمتى بالله عليكم الظلم لمتى ما نحترم ونقدر مشاعر مرأه عايشه معنا مخلوقه تحس وتشعر ...
والحل يالجنس الخشن بنظركم والله لا ينفع تثقيف ولا قراه ولا منتديات ولا اصدقاء خيرين حتى ..؟؟
مسويين فيها فتوات ورجال شجعان وعند كلمتهم ...!!!
هوه المشكله كلهااا داخل القلب القلب هو الوحيد الي بيده حل هذي المشاكل كلهاا ..؟؟
ياعالم قليل من العطف والرحمه النساء بشر لها احاسيس ومشاعر لها عواطف جياشه
ليييييه ما نرويها ونحسسها بوجودنا حتى ما يصير فيه انحراف او وقوع بالمحرمات ...
الشيطااااااان حي مامات ..والمرأه مخلوووق ضعيف أي شي ياثر فيه ..؟؟
انا طرحت قضيتي ما ابغى نصايح ووعود ولا ابغى تقولوا لي من بعدهم عن الدين ينحرفوا ....!!!!
طيب نسيتوا انه المراه بشـــــــــر
تسعى لراحتها سواء بالكلام او بالكلمات حتى بالحروف ربي وضع النشوه والشهوه في المراه
حتى تحصل على المتعه المحلله لها لييييه انتم بعيدين عنها ..
قبل كانت البيوت مسكره والشبابيك مغلقه بس عالم النت والانفتاح خلى البيبان مفتوحه والشبابيك كذلك
وخلى كل الي بالبيوت يطلع للعالم بس مجرد دوس على الكيبورد وانتر وكل شي يوصل للنت وللعالم
كله ليه ما نستغل الاشياء لصالحنا ونحاول نطور من انفسنا ونغير من اوضاعنا وبدال البعد نحاول
نحتوي بعض ونخاف على بعض ..
ابغى اناقش معكم المشكله بالبعد عن التجريح
ابغى نقاش عن طريق العقل المتفهم والصدر الي يتقبل أي نقد ..
ابعدوا عن الثواب والعقاب وانه هذي خيانه وانه العذاب حاصل
ابغى نقاش في المشكله من الاعماق كلنا معانا ضمير ومعانا احساس يعاقبنا ويحسسنا بالذنب ..
انا ما الوم صاحبات القصص الي فوق فيه غيرهم وغيرهم انا معاهم قلبآ وقالبآ
والله ما الومهم لانهم ضحيه ومو متهمين,, وهم مو اقوى من ابليس ..
ابليس يا اخوات تعهد بان يغوي بني ادم جميعهم الا الصالحين ......
منقول
اسم الموضوع : أيهــا الرجــال رفقــآ بالقــواريــر
|
المصدر : .: زاد المسلم :.
